Garment Industry Productivity Center - Cambodia

មជ្ឈមណ្ឌលមានគោលបំណងៈ

- ជួយឧស្សាហកម្មរបស់ប្រទេសកម្ពុជាដោះស្រាយបញ្ហាប្រឈមនៃការប្រកួតប្រជែងសកល តាមរយៈការ សំរេចអោយបាននូវទិន្នផលខ្ពស់ជាងមុន និង ថ្លៃដើមទាបជាងមុន
- កសាងជំនាញឧស្សាហកម្មនៃកំលាំងការងារ របស់ប្រទេសកម្ពុជា និង
- បង្កើតគំរូសំរាប់អភិបាលកិច្ចល្អនៅក្នុងឧស្សាហកម្មកាត់ដេរ ដែលអាចផ្ទេរទៅកាន់ ឧស្សាហកម្មដទៃទៀតបាន

ការផ្ដោតជាសំខាន់របស់យើងគឺលើសមត្ថភាពក្នុងស្រុក សំរាប់ពេលអនាគត ប៉ុន្ដែ កម្មវិធី និង សំភារៈរបស់យើងត្រូវបាន រៀបចំឡើង ដើម្បីផ្ដល់អត្ថប្រយោជន៍ដល់ឧស្សាហកម្មនៅថ្ងៃនេះ។

GIPC ចាប់ផ្ដើមនៅក្នុងឆ្នាំ ២០០៦ ក្នុងនាមជាគំរោងរបស់ USAID ដែលមានរយៈពេល ៣ ឆ្នាំ។ ក្រុមអនុវត្ដ ដឹកនាំ ដោយក្រុមហ៊ុនប្រឹក្សាការអភិវឌ្ឍន៍អន្ដរជាតិ Nathan Associates, Inc. ជំនាញបច្ចេកទេសខាង ផលិតកម្មវាយនភ័ណ្ឌផ្ដល់ដោយក្រុមហ៊ុន Werner International, Inc. ហើយ ទីប្រឹក្សាអភិវឌ្ឍន៍ស្ថាប័នរបស់ក្រុមហ៊ុន AIRD, Inc. ផ្ដល់ការគាំទ្រដល់គំរោង លើផ្នែកអភិវឌ្ឍន៍កំលាំងការងារ។

GIPC កំពុងកសាងសមត្ថភាពបុគ្គលិកជាគ្រូបង្គោល និង ជាទីប្រឹក្សាជនជាតិខ្មែរ ដែលអាចនិយាយ បានច្រើនភាសា និង ដែលមានជំនាញច្រើនបែប ដែលជាតំរូវការនៅក្នុងបរិស្ថានផលិតកម្ម ពហុជាតិរបស់ប្រទេសកម្ពុជា។

ការិយាល័យ និង មជ្ឍមណ្ឌលបណ្ដុះបណ្ដាលធំជាងគេរបស់ GIPC មានទីតាំងនៅចំកណ្ដាលទីក្រុងភ្នំពេញ។ ការផ្ដល់ ប្រឹក្សាតាមរោងចក្ររបស់យើង គឺមាននៅទូទាំងប្រទេសកម្ពុជា។