Garment Industry Productivity Center - Cambodia

វគ្គបណ្ដុះបណ្ដាលនេះមានគោលដៅបង្ហាត់បង្រៀនមេការដែលមានសមត្ថភាព ឬ កម្មករដែលមានជំនាញ អោយចេះ ជំនាញដឹកនាំ ដើម្បីបណ្ដុះបណ្ដាលកម្មករដេរ នៅក្នុងរោងចក្រ។ បន្ទាប់ពីបញ្ចប់វគ្គនេះ សិក្ខាកាមនឹងយល់ដឹងពីកត្ដា នៃការរៀបចំនៅក្នុងរោងចក្រ និង កត្ដាមេកានិកនានា ដែលប៉ះពាល់ដល់ការបំពេញ ការងាររបស់កម្មករ និង ចេះពី បច្ចេកទេសបណ្ដុះបណ្ដាល ដើម្បីកាត់បន្ថយពេលវេលា​ចំណាយលើការរៀនសូត្រសំរាប់កម្មករថ្មីៗ និង ដើម្បីបង្កើន ប្រសិទ្ធភាពរបស់កម្មករ​ដែលមានបទពិសោធន៍។ ទាំងនេះគឺជាធាតុសំខាន់ៗ របស់កំលាំងការងារដែលមានជំនាញ និង ដែលមានភាពបត់បែន។

បេក្ខជនដែលជាគ្រូបង្គោលនឹងចូលរៀនវគ្គនេះជាមួយនឹងកម្មករមួយក្រុម ដោយពួកគេ​នឹងសង្កេតមើលគ្រូ ប​​ណ្ដុះបណ្ដាល របស់ GIPC និង វិធីសាស្ដ្រដែលគ្រូបណ្ដុះបណ្ដាល​ទាំងនេះប្រើប្រាស់ បន្ទាប់មក ពួកគេនឹងបង្ហាត់បង្រៀនកម្មករក្រុមទី ២ ដោយមានគ្រូ​បណ្ដុះបណ្ដាលរបស់ GIPC ជាអ្នកមើលការខុសត្រូវ។

រយៈពេល

៦០ ម៉ោង នៅកន្លែងបណ្ដុះបណ្ដាលរបស់រោងចក្រ និង ការតាមដានរយៈពេល ៤០ ម៉ោង ក្នុងកំឡុងវគ្គ បណ្ដុះបណ្ដាលទីមួយដែលមានការបញ្ជាក់

លក្ខខណ្ឌ

    * បទពិសោធន៍បំរើការងារជាកម្មករដេរយ៉ាងហោចណាស់ ៣ ឆ្នាំ
    * មានការទទួលខុសត្រូវជាមេការ ឬ ជាដឹកនាំដែលពាក់ព័ន្ធ
    * មានបទពិសោធន៍ផ្នែកបណ្ដុះបណ្ដាល អាចមានប្រយោជន៍
    * ត្រូវមានការអប់រំកំរិតមធ្យមសិក្សា និង មានចំណេះដឹងខាងអក្សរ និង គណិតវិទ្យាមូលដ្ឋាន
    * ការអប់រំកំរិតសកលវិទ្យាល័យ អាចមានប្រយោជន៍
សិក្ខាកាមនឹងធ្វើការបង្ហាត់បង្រៀនកម្មករជាជនជាតិខ្មែរ ត្រូវចេះភាសាខ្មែរ ចេះភាសា អង់គ្លេសរឹតតែប្រសើរ                                             

GIPC មានរៀបចំតេស្ដលើសម្បទាពីធម្មជាតិ (Aptitude Test) ដែលគ្រប់បេក្ខជនទាំងអស់ គួរឆ្លងកាត់តេស្ដនេះ។ ជាទូទៅ តេស្ដនេះធ្វើឡើងនៅក្នុងរោងចក្រ មុនពេលជ្រើសរើស សិក្ខាកាមជាលើកចុងក្រោយ។ GIPC នឹងបង្ហាត់ បង្រៀនបុគ្គលិកផ្នែកធនធានមនុស្ស ពីរបៀបរៀបចំតេស្ដ និង របៀបបកស្រាយតេស្ដ សំរាប់ការប្រើប្រាស់នាពេល អនាគត។

តំលៃ

វគ្គនេះធ្វើឡើងនៅក្នុងរោងចក្រ ដោយសិក្ខាកាមអាចមានចំនួនដល់ ១៥ នាក់ រួមទាំង បេក្ខជនជាគ្រូបង្គោល (តេស្ដសម្បទាពីធម្មជាតិ រួមទាំង បង្ហាត់បង្រៀន បុគ្គលិកផ្នែក ធនធានមនុស្សរបស់រោងចក្រពីរបៀប ប្រើប្រាស់ និង បកស្រាយតេស្ដនេះ)។